Quinta clase, 04/10

Nesta sesión realizamos catro danzas e, ademais, fixemos ritmos con vasos de plástico. A continuación exporanse de forma explicada:

DANZA DE LOS PASTORES (Francia):

Colocados en círculo, mirando cara o centro. Logo xirábamos movendo o pé esquerdo e arrastrando o dereito, así catro veces. Logo, poñíamos a punteira cara adiante, cara a dereita, atrás e por último o pé esquerdo.

Un exemplo desta danza é a seguinte:

EL CANDIL (Badajoz, España):

Realízase en pequenos grupos. Dentro dos mesmos, colocámonos en círculo alternando home e muller. Os pasos a facer son os seguintes:

1º - Dar patadas ao ritmo da música.

2º - Dar patadas ao ritmo da música á vez que nos intercambiamos os sitios. Primeiro os homes e logo as mulleres.

3º - Imos cara ao centro, primeiro homes e logo mulleres, e ao chegar damos unha palmada e regresamos ao sitio.

4º - Cadena inglesa.

5º - Poñemos a man no medio e xiramos.

A orde dos pasos sería a seguinte:

    - 1º, 2º, 3º, 4º.

    - 1º, 2º, 3º, 5º.

    - 1º, 1º (o doble de rápido).

Un exemplo desta danza é o seguinte:

CUPS - RITMOS CON VASOS:
O mestre mostrounos o videoclip de "Si me voy" de Paula Rojo que podemos ver a continuación:

Tras velo, repartiunos un par de vasos de plástico, mandounos formar grupos e díxonos que creásemos un ritmo tomando como exemplo o vídeo. O resultado do grupo no que eu estaba é o seguinte:

Mesmamente, como o noso ritmo foi o que máis gustou na clase, tamén o fixemos entre todos. O resultado foi o que segue:

OH REGADINHO (Portugal):

Para realizar esta actividade dividímonos e repartimos roles, homes e mulleres. As mulleres levaban unha tela branca para diferenciarse. 

Colocámonos en círculo, os homes polo lado de dentro e as mulleres por fora agarrados do brazo. A danza comezaba andando: os homes normal e as mulleres brincando, á vez que movían o "vestido", primeiro cara a dereita e logo cara a esquerda. Despois parábamos e mirando entre si, home e muller,  facíamos: primeiro movíamos man dereita e pé dereito, man esquerda e pé esquerdo, xiro agarrados, man esquerda e pé esquerdo, man dereita e pé dereito, outra volta agarrados e as mulleres pasaban ao home de detrás. 

A danza repetíase varias veces. A continuación, temos un vídeo do resultado da mesma na aula:

Asemade, tamén podemos ver outro exemplo da mesma no vídeo que segue: